Deutsche Mariendichtung aus neun Jahrhunderten [antikvár]

Lied, Gebet, Sequenz und Leiek * FRAU AVA Vor1127 Dő got hie in erde geborn wolte werden, dő hiez er iz vor sagen Ysaiam den wissagen und ander prophéten, daz er is willen hete, daz in ein magit gebáre, daz iz deste gelouplicher wáre, swanne iz darnách gescáhe, daz man in mennisk gesáhe. wan diu magit ungeborne tet vil manic werlde verlorne, daz der widertán wurte mit der magitlichen geburte. Si was aller magede hérist von diu daz si allerérist dar an vol wonete, daz si geheizen habete daz si gotes magét wáre und allez manchunde verbáre zaller werlde wunnen, si reine űzen und innen. Dő hete got einen altén vil reinen gehalten ze helfe der magede,