In memoriam eliberationis verbi divini ministrorum Hungaricorum ad triremes condemnatorum MDCLXXVI [antikvár]

Lectori benevolo salutem! Cum detecta coniuratione nonnullorum praelatorum et magnatum reli-gioni romano-catholicae addictorum contra imperatorem ac simul regni ip-sius Hungáriáé regem Leopoldum hoc nomine primum, anno MDCLXX-o inita, regnum Hungáriáé armis exteris occupatum, legibus et libertatibus suis vetustissimis privatum ac absolutae potestati imperatoris subiectum fuisset, extunc primores superioris cleri rcmano-catholici - ut odium sequelasque con-iurationis suprafatae a seipsis averterent - omne onus, totamque culpam istius coniurationis ecclesiis helveticae ac augustanae confessionibus addictorum, tanquam matribus seditionis conferre proposuerunt. Verbi Divini mi-nistri ac ludirectores dictarum duarum ecclesiarum evangelicarum ex toto regno tribus vicibus ad iudicium extraordinarium citati, ibique seditione, hae-resi ac profanatione sacrarum aedium - nulle tamen authentico testimonio adhibito - accusati, tandem centum eorundem, litteris videlicet reversalibus, exilium spontaneum vel resignationem vocationis continentibus subscríbete reluctantes, morte fuerunt condamnati. Isti constantes prius intra et extra Hungáriám variis in carceribus iactati et macerati, demum - ex speciali dementia imperatoris - ad triremes damnari meruerunt. Quinquaginta et uno eorundem anno MDCLXXV-to Italiam ab-ductis, attamen compluribus in itinere exspirantibus aut in carceribus retentis vel fugam capientibus, solum triginta triremibus Hispanicis Neapoli alligari potuerunt. Interea fratres exterarum orarum omnia moverunt, partim ut imperatorem ad revocationem iudicii adigant, partim vero ut collecta pecunia captivos re-luant. Illud praesertim Gerhardus Hamel Bruininx et Benedictus Oxenstierna, ablegati Hollandiae ac Sueciae apud imperatorem sollicitabant, hoc vero praecipue Georgius ac Philippus Welz, mercatores Neapolitani, Nicolaus Zaffius, medicus Venetianus, necnon loannes Heinricus Heidegger, professor Tiguriensis ac loannes Leusden, professor Amstelodamensis diligentissime promovebant, dum iussu statuum confoederatorum Hollandiae captivi adhuc superviventes per admiralem Michaelem de Ruyter die Xl-a Februarii anni MDCLXXVI-i Neapoli libertati revindicati fuissent.