Kommen Sie nach Wien Sie werden schon sehen [antikvár]

FRÜHLING IN WIEN So a unguada Nochmittog. De Sunn is eitrig vur Föhn, de Berg san zum Greifn noh, oba wer wü's scho greifn, de Berg. So a unguada Nochmittog. De Schedln san eitrig vur Föhn, olle streidn, maunche speibn, a poa bringan si um. De, de si ansaufn, san no am bestn draun. Hätt i di nur di ansaufn lossn! Stott dessen haum ma uns de Wohrheit gsogt, den gaunzen eitrigen Nochmittog de Wohrheit gsogt, bis auf d' Nocht. Heit is's Weda wieda wia sa si ghert. De Leit san, wia sa si ghert, mir san, wia sa si ghert, und de Wohrheit is, wia sa si ghert. Daß's in Wien so vüle Wohrheiten gibt! Heast, waunn wieda Föhn is, vakumm!