Le shonitoska razako gradicho [antikvár]

ANGLUNIVORBA Sas, kaj nas, sas jokhar jekh lungo ratyi, haj kadala ratya nas agor. Sas kaj nas phendas amaro papo, thaj phuri mami, sar chambelas o ketrano ande pesko cino mujoro, sar feri andej paramichi si o majshukar mujoro. Gindima, pe kadal vorbi, so kamav te phenav, ke vi me trubuj te chambav e vorba, sar e mami o ketrano. Kadi varikana sikana angla krechuno shaj sas, ke zhanav, e rom zhukamas e cine Kristos, te rakhadyol kothe, amenge la lumake haj sakone manusheske. So del o Del, jekhar feri avilas varikon, ke muntuj amen. So te phenav? Inke trajisaras. Chorre kerdyilam, chorre ashilam, e Devleske shavora sam. Avral, kaj baro paho, thaj jiv sas, de ame losshasas. Kiravenas-pekenas, e sholdura, e pherde shaxa. Losshanas amenca andyelura, ando cheri. Sar dikhav te phej phuv ame shavora, haj papura. Penas, xanas, haj kamenas. Kade sar von, khonyik pej phuv chi zhanel te kamen. Sostar phenav tumenge? Anda kodo, vi tume te zhanen, ke o manush, feri anda kodo zhanel te del, so si les. So gindin e romen, so sas? Phenav tumenge: na gindin tume, feri lengo kamipe. Anda kodol denas, so o Del das len. Phenav tumenge inke jekh vorba, so karing amende zhanas e phure. Ande bersh na feri jekh dyes, sako dyes trubuj jekhavres te kamel o manush.